oh Lisa Surihani.

oh lisa....lawa je kan minah ni? comel lote gitu...

berlakon pon pandai. suko bonar den tgok dio ni ha berlakon. slalu bawak watak-watak ayu gitu...heroin idaman malaya kato ei..

baru ni dio pon berlakon laei. ala.....dalam filem mat rempit tu ha...apo ntah namo ei. den ingat dio bawak watak yg ayu2 gitu laei...rupo ei sibuk bawak watak jahat. ala.....yg dlm sastera org pggil watak antagonis tu ha...

elok bonar la tu cubo bawak watak lain...mano tau laei suai yo x? ( walaupun dlm bawak2 watak jahat tu, muko ei totap lah ayu..)

tapi satu jo yang den x konankan..bawak watak jahat, namo pon kono la nampak jahat yo x??

ni apo la dilotakkan namo KAMSAH dlm cerito tu.....

alahai....manager kfc pon golak sakan dongar namo tu....den ni laei la terkekek2 dibuek ei...
lotak la namo yang ganeh2 sikit...ni lotak namo mcm namo mkcik den kek kpg tu ha...

ish...den x payah masuk wayang den dah golak haaaa........